دورات المحادثة

والله أنا مستمتع جدًا مع حضرتك، وحقيقي أنا مش حاسس بالوقت. والنظام كويس جدًا إننا بنتكلم، وفي تفاعل. ومن أول محاضرة كان في شعور كويس جدًا، وكنت مستني المحاضرة التانية جدًا.

دي من أمتع المرات اللي أخدت فيها كورس لغة. طريقتك وتنظيمك للمحتوى رائعة جدًا، وفكرة إننا بنشارك طول الوقت بتخلينا مركزين، وتوقيت السشن حلو جدًا. والجروب نفسه الناس فيه كويسة جدًا ومتفاعلة.

أول انطباع أخدته عن اللغة الألمانية إنها مش بالصعوبة اللي بتظهر في الأول. بعد المحاضرة بحس إني مستوعبة ومستعدة أحل، والمحاضرة ما فيها أي ضغط، بالعكس، الناس بتتسابق للإجابات وطريقة الشرح ممتازة.

بكل أمانة، الجزء اللي أخدناه في الكورس وتأثيره عليا في شغلي فاق توقعي. حضرتك ذو صدر رحب، مش بتهزّق لو طلبنا التكرار أو غلطنا في بعض الحاجات، ودايمًا بتستقبل الموضوع بكل بساطة وبتحاول تعدّل لنا الخطأ وتفهّمنا من غير ما تجرح حد أو يشعر بالحرج.